మహిళా మండలి భూమి కబ్జా నిరూపణ ఐతే..

• ఆ ఆస్తులను మున్సిపల్ ఆస్తిగా పరిగణనలోకి తీసుకుంటాం

జమ్మికుంట మున్సిపాలిటీ పరిధిలోని మహిళ మండలి స్థలంపై వచ్చిన ఫిర్యాదుల నేపథ్యంలో మున్సిపల్ అధికారులు పరిశీలన చేపట్టారు. ఈ సందర్భంగా జమ్మికుంట మున్సిపల్ చైర్మన్ మొలుగు ప్రశాంత్ కుమార్ మాట్లాడుతూ, మహిళ మండలి స్థలం కబ్జాకు గురైందని కొందరు సామాజిక కార్యకర్తలు మరియు 28వ వార్డు ప్రజలు ఫిర్యాదు చేసినట్లు తెలిపారు.

ఈ విషయాన్ని దృష్టిలో ఉంచుకుని ప్రజాపాలన కార్యక్రమంలో భాగంగా సంబంధిత స్థలాన్ని సందర్శించి అక్కడి పరిస్థితులను పరిశీలించినట్లు ఆయన చెప్పారు. అలాగే స్థానిక ప్రజల అభిప్రాయాలను తెలుసుకుని సమస్యపై పూర్తి వివరాలు సేకరించామని పేర్కొన్నారు.

స్థానిక ప్రజలతో మాట్లాడిన అనంతరం స్థలానికి సంబంధించిన పాత రికార్డులు, మున్సిపల్ పత్రాలను కూడా పరిశీలించి నిజానిజాలు తెలుసుకునే ప్రయత్నం చేస్తున్నామని చైర్మన్ తెలిపారు. మహిళ మండలి స్థలం ప్రజల ప్రయోజనాల కోసం ఉపయోగపడేలా చర్యలు తీసుకుంటామని ఆయన హామీ ఇచ్చారు.
ఇటీవల కొంతమంది ఆ స్థలంపై ఆక్రమణలు జరిగాయని స్థానికులు పేర్కొంటూ అధికారులకు ఫిర్యాదు చేశారు. దీనిపై స్పందించిన మున్సిపల్ అధికారులు, చైర్మన్ నేతృత్వంలో అక్కడికి వెళ్లి స్థల పరిస్థితిని పరిశీలించారు. ఈ సందర్భంగా ప్రజలు తమ అభిప్రాయాలను వెల్లడిస్తూ ఆ స్థలాన్ని మహిళా సంఘాల కార్యకలాపాల కోసం వినియోగించాలనే అభిప్రాయం వ్యక్తం చేసినట్లు సమాచారం.

స్థలానికి సంబంధించిన అంశాన్ని పూర్తి స్థాయిలో పరిశీలించిన తరువాత అవసరమైన చర్యలు తీసుకుంటామని మున్సిపల్ చైర్మన్ స్పష్టం చేశారు. ప్రజల ప్రయోజనాలకు భంగం కలిగించే ఎలాంటి చర్యలను సహించబోమని ఆయన తెలిపారు. మహిళా మండలి స్థలం కబ్జాకు గురైనదని నిరూపణ ఐతే ఆ స్థలాన్ని లోని ఆస్తులను మున్సిపల్ ఆస్తులుగా పరిగణనలోకి తీసుకుంటాం అని తెలిపారు.
స్థానిక ప్రజలు కూడా సమస్యను త్వరగా పరిష్కరించాలని కోరుతున్నారు. మహిళ మండలి స్థలం ప్రజలకు ఉపయోగపడేలా మున్సిపాలిటీ చర్యలు తీసుకుంటుందని ఆశాభావం వ్యక్తం చేస్తున్నారు.