టాలీవుడ్ ముద్దుగుమ్మ అనుష్క శెట్టి రాజకీయాల్లోకి ఎంట్రీ ఇవ్వబోతున్నట్లు ప్రచారం జరుగుతోంది. సినిమాలకు గుడ్ బై చెప్పి.. పొలిటికల్గా ఎంట్రీ ఇవ్వబోతున్నట్లు సమాచారం. జనసేన తరఫున నగరి ఎమ్మెల్యేగా అనుష్క పోటీ చేయబోతున్నట్లు తెలుస్తోంది. మంత్రి రోజాకు పోటీగా అనుష్కను రంగంలోకి దింపాలని జనసేన ప్లాన్ చేస్తుందట. దీనిపై క్లారిటీ రావాల్సి ఉంది.
ప్రముఖ సినీనటుడు అజిత్ కుమార్ ఈరోజు చెన్నైలోని అపోలో ఆస్పత్రిలో చేరారు.సినిమా షూటింగ్ సమయంలో బాడీ సహకరించ కపోవడంతో సాధారణ శారీరక పరీక్షల నిమిత్తం అజిత్ ను ఆస్పత్రిలో చేర్చినట్లు సమాచారం.ప్రస్తుతం ఆయన మగిజ్ తిరుమేని దర్శకత్వంలో‘విడముయార్చి’ సినిమాలో నటిస్తున్నారు. ఈ సినిమా షూటింగ్ శరవేగంగా జరుగుతుండగా గత కొన్ని రోజులుగా షూటింగ్ ఆగిపోయింది.ప్రస్తుతం ఆయన ఆరోగ్య పరిస్థితి నిలకడగా ఉందని కుటుంబ సభ్యులు తెలిపారు
సూపర్ స్టార్ మహేశ్, ఎస్ఎస్ రాజమౌళి కాంబోలో తెరకెక్కే సినిమాపై భారీ అంచనాలు ఉన్నాయి. మూవీపై రోజుకో వార్త హల్ చల్ చేస్తోంది. తాజా టాక్ ప్రకారం.. ఇందులో మహేశ్ తొలిసారిగా పొడవు గడ్డం, జులపాల రింగుల జుట్టుతో కనిపిస్తారట. 8 రకాల లుక్స్ను జక్కన్న డిజైన్ చేయించారట. త్వరలోనే బాబుపై ఆ లుక్స్ టెస్ట్ చేసే ఛాన్స్ ఉందంటున్నారు. కండలు కూడా బాగా పెంచాలని సూపర్ స్టారు రాజమౌళి సూచించినట్లు సమాచారం.