- బీసీల అభ్యున్నతికి మరింత కృషి చేయాలని ఆకాంక్షించిన మున్నూరు కాపు జర్నలిస్టుల ఫోరం నాయకులు
జమ్మికుంట,జూలై 1 (ధనాధన్ న్యూస్): కరీంనగర్ జిల్లా ఓబీసీ మోర్చా జిల్లా అధ్యక్షుడిగా ఎన్నికైన ఆకుల రాజేందర్ను జమ్మికుంట మండల మున్నూరు కాపు జర్నలిస్టుల ఫోరం నాయకులు బుధవారం ఘనంగా సన్మానించి అభినందనలు తెలిపారు. శాలువాతో సత్కరించి ఆయనకు శుభాకాంక్షలు తెలియజేశారు.
ఈ సందర్భంగా మున్నూరు కాపు జర్నలిస్టుల ఫోరం రాష్ట్ర కార్యదర్శి ఎబూషి శ్రీనివాస్ మాట్లాడుతూ, ఆకుల రాజేందర్ సామాజిక సేవా కార్యక్రమాల్లో ఎప్పుడూ ముందుండే నాయకుడని అన్నారు. బీసీ వర్గాల సమస్యలను నిరంతరం ప్రభుత్వ దృష్టికి తీసుకెళ్లడంతో పాటు వారి హక్కుల సాధన కోసం కృషి చేస్తున్న నాయకుడికి జిల్లా అధ్యక్ష బాధ్యతలు రావడం అభినందనీయమని పేర్కొన్నారు. ఈ పదవిలో ఆయన మరింత సమర్థవంతంగా పనిచేసి జిల్లాలోని బీసీ వర్గాల అభివృద్ధికి విశేష సేవలందించాలని ఆకాంక్షించారు.
మున్నూరు కాపు జర్నలిస్టుల ఫోరం జిల్లా నాయకుడు పంతాటి రవీందర్ మాట్లాడుతూ, సాధారణ కార్యకర్తగా రాజకీయ ప్రస్థానాన్ని ప్రారంభించిన ఆకుల రాజేందర్ తన కృషి, సేవా భావంతో ఈ స్థాయికి చేరుకున్నారని అన్నారు. పార్టీ ఆయనపై ఉంచిన నమ్మకాన్ని నిలబెట్టుకుంటూ బీసీల సంక్షేమం, యువత అభివృద్ధి, సామాజిక న్యాయం కోసం మరింతగా శ్రమిస్తారనే విశ్వాసం వ్యక్తం చేశారు. జిల్లాలో బీసీల సమస్యలను ప్రభుత్వ దృష్టికి తీసుకెళ్లి వాటి పరిష్కారానికి కృషి చేయాలని సూచించారు.సన్మానానికి స్పందించిన ఆకుల రాజేందర్ మాట్లాడుతూ, తనపై విశ్వాసం ఉంచి జిల్లా అధ్యక్ష బాధ్యతలు అప్పగించిన పార్టీ నాయకత్వానికి కృతజ్ఞతలు తెలిపారు. బీసీ వర్గాల అభ్యున్నతి, హక్కుల పరిరక్షణ, యువతకు అవకాశాల కల్పన కోసం నిరంతరం కృషి చేస్తానని చెప్పారు. మున్నూరు కాపు జర్నలిస్టుల ఫోరం అందించిన సన్మానం తనపై మరింత బాధ్యతను పెంచిందని, ప్రజల ఆకాంక్షలకు అనుగుణంగా పనిచేస్తానని తెలిపారు.ఈ కార్యక్రమంలో ఎబూషి శ్రీనివాస్, పంతాటి రవీందర్, దాట్ల శ్రీనివాస్, కోలకాని రాజేందర్, ఎబూషి సంపత్తో పాటు మున్నూరు కాపు జర్నలిస్టుల ఫోరం సభ్యులు పాల్గొని ఆకుల రాజేందర్కు శుభాకాంక్షలు తెలిపారు.
