- అదనపు కలెక్టర్కు జర్నలిస్టుల వినతి
జగిత్యాల/ధనాధన్ న్యూస్ జూన్ 8: జిల్లాలో పనిచేస్తున్న జర్నలిస్టుల పిల్లలకు ప్రైవేట్ పాఠశాలల్లో 50 శాతం ఫీజు రాయితీ కల్పించేలా చర్యలు తీసుకోవాలని కోరుతూ జర్నలిస్టుల ప్రతినిధులు సోమవారం జిల్లా అదనపు కలెక్టర్కు వినతిపత్రం సమర్పించారు.
ఈ సందర్భంగా వారు మాట్లాడుతూ, సమాజానికి సమాచారాన్ని అందిస్తూ ప్రజా సమస్యలను వెలుగులోకి తీసుకురావడంలో జర్నలిస్టులు కీలక పాత్ర పోషిస్తున్నారని తెలిపారు.
అయితే తక్కువ ఆదాయంతో పనిచేస్తున్న పలువురు జర్నలిస్టులు తమ పిల్లల విద్యా ఖర్చులను భరించడంలో ఇబ్బందులు ఎదుర్కొంటున్నారని పేర్కొన్నారు. ఈ నేపథ్యంలో జర్నలిస్టుల పిల్లలకు ప్రైవేట్ విద్యాసంస్థల్లో కనీసం 50 శాతం ఫీజు రాయితీ కల్పించేలా ప్రభుత్వం ప్రత్యేక చర్యలు చేపట్టాలని కోరారు.
అలాగే జర్నలిస్టుల సంక్షేమానికి సంబంధించిన పలు సమస్యలు, పెండింగ్ డిమాండ్లను కూడా అదనపు కలెక్టర్ దృష్టికి తీసుకెళ్లారు. జర్నలిస్టుల సంక్షేమం కోసం ప్రభుత్వం సానుకూల నిర్ణయాలు తీసుకోవాలని విజ్ఞప్తి చేశారు.ఈ కార్యక్రమంలో జిల్లా జర్నలిస్టుల ప్రతినిధులు, మీడియా సంఘాల నాయకులు పాల్గొన్నారు.